WENDE NYASAYE 207 - 183

1. Ang`eyo Wuonwa ong`eyo, yembe madigeng` wang` yora; To onyalo riembo mudho, komiya ler marieny chutho, Komiya ler marieny chutho.           Ose.......ng`eyo, yembe madigeng` wang`yora.           (Oseng`eyo.......adier chutho, yembe duto madigeng` wang`yora.)           Ose....ng`eyo, nogeng`na yembe makudho.           (Nogeng`na yembe duto makudho). 2.  Ang`eyo Wuonwa ong`eyo, yath madikuwena rem mara; Komula gi luete maler, nochangi chunyani matuwo, nochangi chunyani matuwo. 3. Ang`eyo Wuonwa ong`eyo, ayom ok anyal wasika; Kendo nojuka kuom tichna, kendo norita nyaka chieng`, Kendo norita nyaka chieng`. 4. Ang`eyo Wuonwa ong`eyo, saa ma wuodha norum e piny; To mad saano yaye Ruodha, yuda kapadora kuomi Yuda kapadora kuomi. (Amin)

1. Kat` abed jaketh maduong`, Remb Yesu nochwer ni an; Nothona ni kik atho, To adag kode polo; Asiki but Jawarna, An ng`ate, to En Ruodha. 2. Hera Yesu duong` chutho, Onyiso polo malo, Tut moloyo nam matut, Osiko ma nyaka chieng`, Herane noywayoa, Nogola e mudho ka. 3. Kat` abed jaketh maduong`, Kristo oseng`wonona; Dwarona kod kuyona, Mago duto ong`eyo; Okonya e lwenje chuny, Ngimana okan kuome. (Amin)

1. Adwari saa duto, Yesu mang`won; Adwaro tekoni, to an ayom.           Adwari yaye adwari, Saa duto adwari;           Yesu, igwedha koro, abironi. 2. Adwari saa duto, sudi buta; Satan ok oloya, ka an abuti. 3. Adwari saa duto, e mor gi tuo; To an kaonge in, anyal ang`o? 4. Adwari saa duto, puonja wachni; Tim kak` idwaro In, an nyathini. 5. Adwari saa duto, Yesu Ruodha; An ng`ati chutho, an, ndalo duto. (Amin)

1. Kata ka abedo gi ngima maber, kata ka ayudo chandruok; Kata abet nade, imiya ng`eyo, Kuomi to anyalo To anyalo bet gi kuwe.           Anyalo, bet gi kuwe;           Anyalo, bet gi kuwe e chunya. 2. Kata Satan sanda, kayudo temruok; Wach mojiwo chunya e ma; Kristo oseng`eyo yomna duto te, Ne otho ni mond` ores chunya. 3. Amor koro nikech richona duto ogur, e msalaba mare; Noting`o kwet duto, oresa chutho; Adendo nying Yesu ma Jawar. 4. Ruoth Yesu, ru ndalono mar bironi, Ma wanawinj dwond tung` machien kaneni kibiro e boche polo Anabedi gi kuwe e chunya. (Amin)

1. Kwawuotho gi Ruodhwa, kuom ler manie wachne, Morienyna e yorwa pile ka; Ka watimo tichne, Enobedi kodwa, bende gi ji duto.           Yie nying Yesu, Bende lu e yore;           Mondo wayud mor kuome onego wawinje. 2. Ka wachandore ka, ka waneno malit, Wach Nyasaye nyalo boyo chunywa; Ok wanyal chwanyore, ok wanyal chandore, To Ruoth Yesu ong`eyo duto. 3. Koro ok wanaluor ka wabedo kode, Ka Ruoth Yesu owuotho kodwa; Wanang`e herane ka wachiworene, Eka wanamor kuome pile. 4. Ka wahere kama, ka wawinjo chikne, Wanadhi ku moorowae; Kik wapar rem moro, Yesu oritowa, Wan to mondo wagene kende. 5. Chieng` ka Yesu biro, eka wananene, Bende wanamor gi Jawarwa; Kuyo ok wanane, kata chandruok moro, Wanadag kode e dalane. (Amin)

1. An ayie Ruoth Yesu kende, Asewinjo wach mare; Onge gi manyalo loyo Ng`ato mogeno Yesu.           Yesu Yesu, Yesu kaka agene!           Aseteme mang`eye;           Yesu, Yesu, medna teko,           Mond` ageni moloyo. 2. Kethna duto awe kuome, En oluoka gi rembe; Enorita nyaka ndalo Ka notera ka Nyasaye. 3. Koro ok aluor gimoro, Chunya ogeno Yesu; Kata yora timo mudho, Yesu ni lerna pile. 4. Chunya asemiyo Yesu, Ringra bende amiye; Yesu, Jahera, Osiepna, Nobed koda nyaka chieng`. (Amin)

1. Yesu Kristo En Osiepwa, En mogolo richowa; Wan wanyalo kwaye pile gi maber mwachando ka; To nikech wahero saye, ok walame pile ka, Kuwe oonge e i chunywa, eka wan wachandore. 2. Ka Satani dwaro temwa, ka masira makowa, Chunywa kik oa kuom Yesu, ber kwanyiso Yesu wach; Ere ng`ato ma dikonywa kuom masira manie piny? Yesu emong`eyo nyawowa, ber kwanyiso Yesu wach. 3. Wan wanyap, wajony to pile, richowa ohingowa; Lwandawa en Yesu Kristo, ber kwanyiso Yesu wach; Ka osiepewa ke kodwa, ber kwanyiso Yesu wach; Enoruakwa, enokonywa, enomiwa chuny mamor. (Amin)

1. Ruoth, ok akwayoi tinde weche mag kiny; Rita kuom richo duto te tinendeni; Dhoga kik opus wach moro Ma ok long`o; In mond` ibed Jarit dhoga tinendeni. 2. Adwaro tiyoni matek kachiel galam; Konya abed mang`won e wach, gi tim bende; Miya teko mar winjoi, atim chikno; Konya kik atim dwarona tinendeni. 3. To kata ngimana dirum kwauononi; Mondo yuda kapadora kuom singruokni; Mit kata ok akwayoi weche mag kiny, Rita, taya, imaka, Ruoth, tinendeni. (Amin)

1. Ruoth En E Jakwadha, orita maber; Lum mang`ich omiya, oruaka e kunde; Oteloni chunya kar pige mokuwe; Oduoga kabayo, ohoyo chuny mang`ich. 2. Kayudo masira kata tho malich, Nikech In mirita,Ok naluor gimoro; Igeng`a gi ludhi kod odungani; Gima rach ok nyala ka Jakony ni buta. 3. Ipedhona mesa ndalo mar chandruok; Imiya gweth mang`eny ma onge kar giko; Iolona mo mang`we ng`ar e wiya; Ng`wononi mogundho omako dhoga chuth. 4. Ng`wononi gi berni, Nyasacha maber; Mondo luwre koda nyak` achop iri ku; Nalu yorno ma jo machon noluwo, Nyak` adonji kanyo, pinyruodhi mar hera. (Amin)

1. Tim kinda mar lemo, kiwuoyo kod Ruoth; Pidh chunyi gi wachne, kibedo kuome; Lalri gi jokristo, kony jogo manyap; To wiyi kik wil ngang` mar dwaro gwethne. 2. Tim kinda mar lemo, piny kadho piyo; Ket kinde mar bedo apanda kod Ruoth; Ting` wang`i kuom Yesu, ilu e ndache, Mi timni nonyis ji kichalo kode. 3. Tim kinda mar lemo, Ruoth oteloni; Kik iring e nyime, to kik idong` chien; E mor kata chandruok, lu Yesu pile; Chom wang`i kuom Yesu, kigeno wachne. 4. Tim kinda mar lemo, chunyi okuwe mos; Yie Yesu chik chunyi kuom paro maler; To Roho notelni kuom hera mare, Noiki ni tichne e polo malo. (Amin)

1. Winj weche ma Yesu nowacho, Weche madier, mag ngima winjiuru ji duto, mondo upargi; "Gin johawi momako chikna."           Gin johawi momako chik duto, gin johawi;           Gin johawi momako chik duto;           Hawi, hawi, gin johawi. 2. Winjo nono onge gi konyruok; Mit singruokne bedo kayiem; winjogi, luorogi, ok onyal konywa; Gin johawi momako chikne. 3. Jogo ma nodonji e dala, jo maler, maonge richo, Jo mowar, mopwodhi, e remb Nyarombo, Ginichopi e yath mar ngima. (Amin)

1. Wuothi e ler mar Ruoth Nyasaye, mamenyo wang`yori; Muche maler, moa malo, nyalo riembo mudho.           Wuo...thi e ler...(wuothi e ler, wuoth e ler maber mar Nyasaye).           Wuo...thi e ler...Wuo..thi e ler, wuothi e lerno mar Nyasaye. 2. Wuothi e ler mar puonj Ruodhwa, moa kuom Wach Nyasaye; Ler matelo ni nyithindo, moyie Weche Nyasaye. 3. Wuothi kata mudho olil modino wang`yori; Mudho noringi e nyim ler, mar Ruoth ma nyaka chieng`. 4. Wuothi e ler eka ning`e kaka Ruoth oheri; Wanabed gi winjruok maduong`, moloyo mar piny ka. (Amina)

1. Ka Yesu ni koda, ee, anyalo dhi Kata ka manade piny ma mwalo ni; To ka Yesu onge morna orumo; Ka Yesu ni koda ok anyalo luor.           Ka Yesu ni koda luoro ongena;           Ka Yesu ni koda ok anyalo luor. 2. Ka Yesu ni koda ok naluor chandruok;  Kata tem mang`eny olworo wang`yora; En owuon noteme mondo okonya; Ka Yesu ni koda anyalo loyo. 3. Ka Yesu ni koda ok an kenda ngang`; Kat` osiepe weya to En Osiepna; To kata otera e yore malich, Ka Yesu ni koda to nabed mamor. 4. Ka Yesu ni koda anawinj luongne; Kat` ochika mond` adhi e pinje mwa, Mond` apuonj jopiny warruok man kuom rembe; Ku mochiko anadhi ka wan kode. 5. Ka Yesu ni koda anyalo nindo; Mak aluor mudho mar tho molwora ka; Kang`eyo ni anachiew e giko piny, Ka manade kod Yesu ni ka maber. (Amin)

1. Analu bang`i, Jakonya, Ka midwaro telona; Ku midhiye analuwi, Adwaro luwo bang`i.           Analu bang`i, Jakonya, Isetho wi yath ni an;           Kata ji mamagi chayi, Adwaro luwo bang`i. 2. Kata yo otimo thuche, Kata kudho chwowoa, Isedhiyo yorno nyima, Adwaro luwo bang`i. 3. Kata abedo gi chandruok, Kata Satan temoa; Kahingo notemi bende, Adwaro luwo bang`i. 4. Kata ayudo masira, Kabedo ng`a ma jachan, Ing`eyo chandruok me piny ka; Adwaro luwo bang`i. 5. Ka di po malit oyuda, Kendo ngimana rumo; Mano gi ming`eyo duto, Adwaro luwo bang`i. (Amina)

1. Yesu En Osiep maber chutho, ka parruok mar piny hewo chunyi; Enochangi chuny motuo, nochiw teko gi ng`wono, Ee, Yesu En Osiep maber ngang`.           Yesu En Osiep maber ngang`,           (Yesu En Osiep, En Osiep maber ngang`,)           Yesu En Osiep maber ngang`;           Enokonyi kipodho, enowinji kiluongo ngang`,           Ee, Yesu En Osiep maber ngang`, 2. Yesu En Osiepna moloyo; Omiya kuwe gi mor e chunya; An kapadora kuome, ok aluor gimoro ngang`, Ee, Yesu En Osiep maber ngang`. 3. Kata kuyo malit oyuda, kata kachopo e saa thona, kibaji ok nogoya, nikech Jawar En koda, Ee, Yesu En Osiep maber ngang`. 4. Ka wachokre e thurwa malo, Kachiel gi jogo ma notho chon, Wanawer mamit kucha, kwadende ma nyaka chieng`, Yesu En Osiep maber moloyo. (Amin)

1. Owadwa kik iluor, Bedi gi chir pile; Nyasaye none masicheni, Ong`eyo hoyoi. 2. Kata ka chunyi lit, Ka gigi kethore; Kik chunyi ol, kik chunyi a, Nyasaye nomii kuwe. 3. Otieno to norum, Chieng` mar dimbruok nobi; Masicheni duto nolal Ka Ruoth ofwenyore. 4. Gen hera mar Ruodhi, Onge motamo En; Bedi pile e luetene, Noriti nyaka chieng`. (Amin)

1. Yesu ni Jakwadhwa, to wan rombege; En kowuotho kodwa wanaluor ang`o? Mondo walu bang`e ka motelonwa; Oritowa pile, to oherwa. 2. Yesu ni Jakwadha, wang`eyo dwonde; En kowuoyo kodwa koro chunywa mor; Kata ka waketho, nowe kethruokwa; En kende Jakonywa, to wan nyithinde. 3. Yesu ni Jakwadhwa, rembe nochwernwa; Mond` oluokwa chutho e kethruok duto; Oketo ranyisi kuom nyithinde te; Mago joge duto man gi Much Nyasaye. 4. Yesu ni Jakwadha, bende Jageng`wa; E temruokwa duto wanalo Satan; Ka wagene pile nyaka chieng` watho, Chieng` ka Yesu  duogo eka wanachier. (Amina)

1. Ruoth Yesu, saa mar lamoi, Masuda machiegni kodi, Mamiya paro duong` mar Ruoth, Kahulo dwarona duto; Kar chandruok, kasudo iri, Chunya gi ringra yudo kuwe; Kaloyo tem mar Satani; Ruoth, jiwa kuom saa mar lami. 2. Ruoth Yesu, saa mar lamoi, Pile ayudo mor gi kuwe; Jogo bende ma chunygi ng`aw Yudo teko kuom lamoi; Pile kachandora malit, Aringo ir Ruoth Jawarna; Kuome ayudo mor maduong`, Kojiwa kuom saa mar lemo. 3. Ruoth Yesu, saa mar lamoi, Saano mar neni gi chunya, Ka chunya pong` gadierani Inigwedha kuom kwayona; Adwaro neni wang` gi wang`, Kayie wachni gi ng`wononi; Yesu Ruodha, rita pile, Kijiwa kuom lami pile. (Amina)

1. Saa mar lemo mogwedhi, ka chunywa kulore, E nyim Yesu Jawarwa bende Osiepwa; Kwachopo ire kuom yie, ka wageno ritne; Wanayud yueyo kanyo, wanayud kuwe mar chuny.           Saa maber mar gweth, saano mar lemo;           Wanayud yueyo kanyo, kik yudwa kwaonge. 2. Saa mar lemo mogwedhi, ma Jawar sudonwa; Chunye ng`won bende oyie winjo nyithinde; Parruok machando chunywa, waweuru kuome; Wanayud yueyo kanyo, wanayud kuwe mar chuny. 3. Saa mar lemo mogwedhi, kwasudo nyim Jawar; Jo ma temruok oloyo noyud kuwe mar chuny; En gi chuny makecho ngang` wanyise masichwa; Wanayud yueyo kanyo, wanayud kuwe mar chuny. 4. Kar saa nogo mar lemo, wagene kendo yie Kaka gweth ma wakwayo wayudo adier; Kwageno Ruodhwa adier, wanawe parruok te; Wanayud yueyo kanyo, wanayud kuwe mar chuny. (Amina)

1. Weruru weche mag Nyasaye,weche mamit mag ngima; Som giuru pile pile, weche mamit maber. To gipuonjowa niya,ni mondo wagen Yesu.           Weche mamit miwinjogi, weche mamit mag ngima.           weche mamit miwinjogi, weche mamit maber. 2. Yesu miyo ji duto te, weche mamit mag ngima. Ji moketho winjuruwa, weche mamit maber, Yesu miyogi nono, ji mondo yiegi kende. 3. To kik wamung` ni ji me piny, weche mamit mag ngima; To gin weche makonyogi, weche mamit maber. Yesu Ruoth ma Jawarji, nopwodh chunygi gi wachne. (Amina)

1. To kak abet yesu kawa, Inyisa yo maber chutho; Abironi, iwachona, Ruodhwa Yesu, abironi. 2. To kak` abet Yesu yiea, Adwaro mond iluok chunya; To in iwe kethruok maga Ruodhwa Yesu, abironi. 3. To kak` abet Yesu kawa, Imiyo chunya mor pile; Ndalo duto chunya bayo, Ruodhwa Yesu, abironi. 4. To kak` abet ni an muofu, an ng`a modhier morem teko; In kende In Jakinda ngang`, Ruodhwa Yesu, abironi. 5. To kak` abet Yesu kawa, Iruaka, luoka, guda ka; Nikech ageno singruokni, Ruodhwa Yesu, abironi. 6. To kak` abet,herani, Ruoth, Oseyawna wang`yo maler; Mondo abed ng`ati chutho, Ruodhwa Yesu, abironi. (Amina)

1. An ni mari, Ruoth, to niluongoa; Isenyisa herani; To adwaro in mond` ibed koda, Mond` ibed koda pile.           Bedi (mana) buta pile pile, Ruoth, Ni mondo apar thoni;           Bedi mana buta pile pile, Ruoth, Ni mond` adok nyathini. 2. Adwaro mondo ati tichni, Ruoth; Adwaro mond` ikonya; Mondo apari ndalo duto te, kik agomb mokome piny. 3. An amor pile ka atiyoni, Ka chunya oheroi; Ka Alamo in, ka iwinjoa, Ka abedo nyathini. 4. Herani matut ok anyal ng`eyo, Nyaka atundi kuno; Mor man e polo okadho ng`eyo; Nyaka ayud kuwe kuomi. (Amina)

1. Kaw piny duto; miya Yesu; Mor mar piny  to mana nono; Hera Yesu ok olokre, To osiko nyaka chieng`.           Nguonone en gi miwuoro; Herane oduong` chutho;           Warruokne, warruok madieri, Osingo ngima mak rum. 2. Kaw piny duto; miya Yesu; En jahoch chutho mar chuny; Ka Jawarna e marita, Nawer kata kuom chandruok. 3. Kaw piny duto miya Yesu, Mond` ang`i wang`e mamor; Ndalo duto kuom wuodha ka Enomenyna wang`yora. 4. Kaw piny duto; miya Yesu; Ageno msalabane; Eka chieng` ka Ruodhwa biro, Ananene wang` gi wang`. (Amina)

1. Kaw ngimana, mond` abed mari chutho, Yesu Ruoth. Kaw ndalona duto te; gibedi ka wer mamit.           Luoka e remo mar Jawarna, (mar Jawarna);           Pwodha chutho gi rembe maler; (rembe maler);           Ruoth, achiwrani gi ngimnana duto, Abed mari nyaka chieng`. 2. Kaw luetena, giniti ma herani puonjoa; Kaw tienda, mi ginidhi ka ma Ruoth chikoa. 3. Kendo dwonda, mond` awer pile, kende ni Ruodha; Kendo dhoga, kawe be, analand wachni pile. 4. Kendo fedha, kata nok, kawgi, ok agomb moro. Kaw riekona, ti kode gi ma idwaro Iwuon. 5. Kaw parona; kik adwar gi ma ok idwaro In. Kendo chunya, en mari, dak kanyo e chunya, Ruoth. 6. Kaw herana, Yesu Ruoth; an amiyi duto te. Kaw chutho, mond` abed pile, kende, mari Ruoth. (Amina)

1. Bedi mangima kuoma, Ruoth Yesu Jawarna; Ka wach ochando chunya, inyisa wach maber; Bedi mangima kuoma, chika e wang`yori; An mond` abed ka taya manyiso ler mari. 2. Asechiwoni chunya, gi ngimana duto, Isepuodha kuom kethna, mondo arieny ni ji; Ringra obed kar dakni, hekalu  maler; Timna gi wuodha duto, obed gi michiko. 3. Fuondega duto magi, In mond` iti kodgi; Abed gir tichni chutho; kik atim dwarona; Ruoth Yesu taya pile, kinyisa herani; Weche piny ok nyal chanda ka In idak koda. 4. Kuwe mari opong` chunya, abed mos kageni; Arito mond` inyisa gi monego atim; Bedi mangima kuoma, Ibed Ruoth e chunya; To chieng` mibiro, Ruodha, naneni wang` gi wang`. (Amina)